Раёсати таълим

                                    МАҚСАД ВА ВАЗИФАҲОИ РАЁСАТИ ТАЪЛИМ:

• назорат ва идоракунии сифати барномаҳои таълимӣ (мутамарказонидани корҳои вобаста ба таҳияи нақшаҳои нави таълимии таҳсилоти олии касбии шаклҳои таҳсили рўзона ва фосилавӣ, назорати мутобиқати нақшаҳои таълимӣ ва барномаҳои кории фанҳои таълимӣ бо стандарти давлатии таҳсилоти олии касбӣ, омодасозии ҳуҷҷатҳо оид ба иҷозатномагирӣ ва аккредитатьсияи давлатии барномаҳои таҳсилотӣ);
• назорат ва идоракунии сифати ташкили раванди таълим (мутамарказонии кори деканатҳои факултетҳо ва кафедраҳо оид ташкил, банақшагирӣ ва татбиқи барномаҳои таҳсилоти олии касбии шакли таҳсилоти рўзона ва фосилавӣ; назорати ҷадвали раванди таълим ва иҷроиши нақшаҳои таълимӣ; истифодаи мақсадноки фонди аудиторӣ, банақшагирӣ ва ташкили таҷрибаомўзии донишҷўён, кори деканати факултетҳо оид ба таҳияи фармоишҳо оид ба ҳаракати контингенти донишҷўён; омодасозии ҳуҷҷатҳо барои таъини стипендияҳои номӣ ба донишҷўён, таъмини зерсохторҳо бо бланкаи ҳуҷҷатҳо);
• назорат ва идоракунии сифати кори ҳайати илмӣ-омўзгорӣ (назорати сарбории таълимии ҳайати илмӣ-омўзгории кафедраҳо, омодасозии мавод оид ба ҳисоби воҳидҳои кории ҳайати илмӣ-омўзгорӣ, мавод барои тасдиқи раисони АДХ ва фармоишҳо оид ба ҳайати АДХ; назорати такмили ихтисоси ҳайати илмӣ-омўзгорӣ);
• назорат ва идоракунии сифати таҳсилот (дар якчоягӣ бо факултетҳо,  кафедраҳо ва маркази бақайдгирӣ ва тестӣ баргузор намудани мониторинги сатҳи дарсазхудкунии донишҷўён, пешниҳоди маълумот барои мониторинги фаъолият (рейтинги мактабҳои олӣ), иштирок дар ташкил ва баргузории конфронсҳои методии донишгоҳ, омодасозии ҷаласаҳои Шўрои илмӣ-методӣ).