01 апрели соли 2025 дар Донишкадаи байналмилалии Хуҷанди назди Донишгоҳи байналмилалии сайёҳӣ ва соҳибкории Тоҷикистон ҷаласаи кории муовини ректор оид ба корҳои таълимӣ (муовини аввал)-и ректори Донишгоҳ бо коллективи меҳнатии донишкада баргузор гардид.
Дар ҷаласаи мазкур масъалаҳои муҳими марбут ба ҳама самтҳои фаъолияти донишкада, аз ҷумла раванди таълим, такмили барномаҳои таълимӣ, сатҳи сифати донишандӯзии донишҷӯён, фаъолияти илмӣ-тадқиқотӣ, шароити моддӣ-техникӣ ва дигар масъалаҳои марбут ба рушди муассиса баррасӣ шуданд.
Зимни ҷаласа таваҷҷуҳи хоса ба баланд бардоштани сатҳи таълим, ҷорӣ намудани технологияҳои инноватсионӣ дар раванди омӯзиш, татбиқи лоиҳаҳои илмӣ ва густариши ҳамкориҳои байналмилалӣ зоҳир гардид.
Ҳамзамон, роҳбарияти донишгоҳ дастурҳо ва тавсияҳои мушаххасро барои боз ҳам беҳтар намудани сифати таҳсилот ва фаъолияти омӯзгорон пешниҳод намуд.
ш. Хуҷанд, 01.04.2025
