Баррасии масъалаҳои тарбия ва тартиби иқомат дар хобгоҳ
27 феврали соли 2025 ҷиҳати иҷрои Нақшаи чорабиниҳои раёсати тарбия, дар хобгоҳи донишҷӯёни Донишгоҳи байналмилалии сайёҳӣ ва соҳибкории Тоҷикистон вохӯрии муовини ректор оид ба илм ва инноватсия, Зоирзода И.С., декани факултети молия ва қарз Раҳматзода Д. ва роҳбарони сохторҳои таркибии факултет баргузор гардид.
Зимни мулоқот масъалаҳои тарбия, риояи тартиби иқомат дар хобгоҳ, баланд бардоштани сатҳи маърифати ҳуқуқӣ ва иҷтимоии донишҷӯён мавриди баррасӣ қарор гирифтанд.
Масъулон донишҷӯёнро ба риояи қоидаҳои дохилӣ, эҳтироми ҳамдигар ва таҳкими фарҳанги ҳамзистӣ даъват намуда, ҷиҳати ҳалли мушкилоти мавҷуда ва беҳтар намудани шароити будубош тавсияҳо пешниҳод карданд.
Ин гуна мулоқотҳо ҷиҳати таҳкими робитаи донишгоҳ бо донишҷӯён ва муҳайё намудани муҳити мусоиди таҳсилу зиндагӣ дар хобгоҳ аҳамияти хосса доранд.
Мулоқоту вохӯриҳо дар доираи иҷрои Нақшаи чорабиниҳои раёсати тарбияи донишгоҳ дар хобгоҳҳои донишҷӯён идома доранд.
