30 ноябри соли 2024 бахшида ба 32 – юмин солагарди истиқрори муносибатҳои дипломатӣ байни Ҷумҳурии Тоҷикистон ва Ҷумҳурии Ҳиндустон бо ибтикори Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар ҳамкорӣ бо Мақомоти иҷроияи ҳокимияти давлатии шаҳри Душанбе ва Сафорати Ҷумҳурии Ҳиндустон дар Тоҷикистон сеюмин «Дави дӯстӣ» баргузор гардид, ки беш аз 400 нафар донишҷӯёну варзишгарони Донишгоҳи байналмилалии сайёҳӣ ва соҳибкории Тоҷикистон ва омӯзгорон фаъолона ширкат варзиданд.
Дар расми ифтитоҳи чорабинии варзишӣ роҳбарияти Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Мақомоти иҷроияи ҳокимияти давлатии шаҳри Душанбе ва Сафорати Ҷумҳурии Ҳиндустон дар Тоҷикистон иштирок намуданд.
