Ба хотири болидарӯҳии иштирокчиёни Олимпиадаи минтақавии хонандагони синфҳои 9 ва 11-и муассисаҳои таҳсилоти миёнаи асосӣ, умумӣ ва ибтидоии касбии шаҳру ноҳияҳои вилояти Суғд, Коллеҷи сайёҳӣ ва хизматрасониҳои иҷтимоии шаҳри Хуҷанди назди Донишгоҳ чорабинии идона бахшида ба Наврӯзи байналмилалиро баргузор намуд.
Ин ҳамоиши бошукӯҳ, ки бо ташаббуси Коллеҷ ва дастгирии Донишгоҳи байналмилалии сайёҳӣ ва соҳибкории Тоҷикистон доир гардид, дар фазои тантанавӣ ҷараён гирифт. Ба иштирокчиён барномаи рангини фарҳангӣ пешкаш шуда, суннатҳои неки наврӯзӣ муаррифӣ гардиданд.
Чорабинӣ на танҳо фазои ҷашниро фароҳам овард, балки барои баланд бардоштани рӯҳияи иштирокчиён ва ҳавасмандии онҳо ба донишандӯзӣ саҳми назаррас гузошт.
