Дар доираи 28-умин Намоишгоҳи байналмилалии сайёҳӣ ва сайёҳатии Шарқи Баҳри Миёназамин (EMITT) намояндагони Донишгоҳи байналмилалии сайёҳӣ ва соҳибкории Тоҷикистон бо намояндагони ин намоишгоҳ вохӯрӣ анҷом доданд.
EMITT яке аз панҷ намоишгоҳи бузурги сайёҳӣ дар ҷаҳон маҳсуб ёфта, ҳамасола ҳазорон мутахассисони соҳа ва сайёҳонро, ки дар ҷустуҷӯи имкониятҳои нави сайёҳӣ ва ҳамкорӣ бо ширкатҳои хидматрасонии сайёҳӣ мебошанд, ҷалб мекунад.
Ин намоишгоҳ ҳамчун платформаи муҳими тиҷоратӣ хизмат карда, барои рушди ҳамкориҳо ва тавсеаи бахши сайёҳӣ дар Туркия ва дигар кишварҳои ҷаҳон шароити мусоид фароҳам меорад.
