Фаъолияти илмию таҳқиқотӣ

Фаъолияти илмӣ-тадқиқотии кафедра

Равияи назариявии кори илмӣ-тадқиқотии кафедраи молия ва андозбандӣ «Рушди хизматрасониҳои муосири молиявӣ ҳамчун омили инноватсионии пешрафти фаъолияти соҳибкорӣ» ва илмӣ-тадқиқотӣ «Проблемаҳои идоракунии молиявӣ ва дурнамои сиёсати молиявию андозӣ – ҳамчун заминаи рушди фаъолияти соҳибкории инноватсионӣ» буда, дар ин самт аз ҷониби устодони кафедра чунин масъалаҳо мавриди тадқиқот қарор дода шуда истодааст:

— механизми амалигардонии фаъолияти инноватсионии корхонаҳои саноатии Ҷумҳурии Тоҷикистон;

— хизматрасониҳои молиявӣ ва нақши онҳо дар рушди инноватсионии Ҷумҳурии Тоҷикистон;

— муаммоҳои муносибатҳои молиявӣ-қарзӣ дар замони муосир;

— механизми дастгирии давлатии молиявӣ-қарзӣ дар соҳаи соҳибкории хурду миёна;

— сиёсати гумрукӣ ва андозии Ҷумҳурии тоҷикистон дар шароити муосир;

— муаммоҳои низоми андози Ҷумҳурии Тоҷикистон ва роҳҳои мукаммалгардонии он дар шароити муосир;

— нақши омилҳои молиявӣ-иқтисодӣ дар устувории худидоракунии маҳаллӣ;

— механизми такмилдиҳии маъмурикунонии андоз дар сатҳи маҳал;

— нақши корхонаҳои давлатӣ дар рушди иқтисодиёти муосир: тамоюл ва дурнамо;

— раванди самаранок истифодабарии сармояи хориҷӣ ба фаъолияти соҳибкории хурду миёна дар Ҷумҳурии Тоҷикистон;

— ташаккул ва такомули низоми андоз дар Ҷумҳурии Тоҷикистон;

— механизмҳои рушди фондҳои мақсадноки давлатӣ дар шароити муосир.

Вобаста ба равияи назариявӣ ва мавзӯи илмӣ-тадқиқотии кафедра устодон мақолаҳои илмии худро таҳия намуда, дар семинару конфронсҳои донишкадавӣ, ҷумҳуриявӣ ва байналмилалӣ фаъолона иштирок менамоянд.