Рӯзи 4 апрели соли равон бо ташаббуси Институти илмӣ-таҳқиқотии сайёҳӣ ва соҳибкорӣ ва Институти илмӣ-таҳқиқотии рушди устувор ва иқтисоди сабзи Донишгоҳи байналмилалии сайёҳӣ ва соҳибкории Тоҷикистон Форуми байналмилалӣ дар мавзуи “Масъалаҳои таъмини рушди устувори сайёҳиву соҳибкорӣ ва иқтисоди сабз” доир гардид. Дар он намояндагон аз вазоратҳои молия, меҳнат ва шуғли аҳолӣ, кумитаҳои сармоягузорӣ ва идораи амволи давлатӣ, рушди сайёҳӣ, ҳифзи муҳити зисти назди Ҳукумати Ҷумҳурии Тоҷикистон, Бонки миллии Тоҷикистон ва меҳмонон аз Институти забонҳои хориҷии Андиҷони Ҷумҳурии Узбекистон иштирок ва баромад карданд.
Форуми байналмилалиро бо сухани ифтитоҳӣ Раҳимов Мирзоҳид, муовини аввал, муовини ректор оид ба таълими Донишгоҳи байналмилалии сайёҳӣ ва соҳибкории Тоҷикистон кушода, меҳмононро ба Тоҷикистон хушомадед гуфт. Мавсуф, аз ҷумла қайд намуд, ки имрўз Форуми байналмилалї дар шароите мегузарад, ки мо Наврўзи байналмилалиро дар шањри Хуљанди бостонї бо иштироки се президенти кишварњои Осиёи Марказї – Президенти Ҷумҳурии Тољикистон муҳтарам Эмомалї Рањмон, Президенти Ҷумҳурии Узбекистон муҳтарам Шавкат Мирзиёев ва Президенти Ҷумҳурии Ќирѓизистон муҳтарам Садир Љапаров бо тантанањо ќайд намудем ва иштироки се роњбари бузург ба Наврўзи имсола шаъну шукўњи тоза бахшид. Сафари мењмонони олиќадр самараи сиёсати оќилона сарварони давлатњоямон мебошад, ки њамкорињоро дар соњањои маориф ва илм боз њам мустањкамтар менамоянд. Дар ин робита бояд ќайд намоям, ки олимони Институти илмию тадќиќотии сайёњӣ ва соҳибкории Донишгоњи байналмилалии сайёҳӣ ва соҳибкории Тољикистон бо Институти илмию тањќиќоти рушди туризми Узбекистон, инчунин Донишгоҳи давлатии Бухорои Љумњурии Узбекистон сафар карда, барои тавсеаи ҳамкориҳо бо роњбарияти муассисањои зикршуда созишномањо имзо намуданд.
Раҳимов М. қайд намуд, ки масъалаҳои сармоягузории лоињањои сайёњї, сармоягузорӣ, иқтисоди сабз, баланд бардоштани сатњи сайёњї, тиљоратигардонии тадќиќоти илмї, ба њаёти воќеї ва њамкорињои байналмилалї мувофиќ намудани натиҷаҳои корҳои илмию таҳқиқотӣ, ташкили соњибкорињои муосир, истифодаи технологияњои иттилоотию коммуникатсионї ва раќамигардонии истењсолоту муомилот, пешбурди сиёсати сабзгардонии иқтисодиёт аз љумлаи масъалањое мебошанд, ки мо бояд аз њамкорони хориљиамон омўзем ва дар шароити Ҷумҳурии Тоҷикистон истифода барем, гуфт дар охир Раҳимов М.
Директори Институти илмӣ-таҳқиқотии сайёҳӣ ва соҳибкории ДБССТ Иброҳимзода Илҳомуддин ба таври маҷозӣ баромад карда, меҳмононро хушомадед гуфта, таъкид дошт, ки форум барои табодули таҷрибаҳо дар самти рушди сайёҳӣ, соҳибкорӣ ва иқтисоди сабз, омодасозии мутахассисони ин соҳаҳо, ташкили хатсайрҳо миёни ин кишварҳо, истифодаи намунаи ташкили сайёҳии этникӣ дар Тоҷикистон ва дигар масъалаҳои мубрами соҳа майдони мусоид буда, аз пешниҳодҳои кардашуда ба вазорату ташкилотҳои марбута пешниҳодҳои илман асоснок карда мешаванд. Профессор ба кори Форум барор хоста, ба иштирокчиён изҳори сипос намуд.
Сипас директори Институти илмӣ-таҳқиқотии рушди устувор ва иқтисоди сабз Шарофзода Ф.Р. баромад карда, афзуд, ки дар ҳошияи вохӯрии сеҷонибаи президентҳои кишварҳои Тоҷикистон, Қирғизистон ва Узбекистон доир гардидани Форуми байналмилалии имрӯза басо рамзӣ буда, он барои табодули андешаҳои илман асосноки муҳими таъминкунандаи рушди устувори сайёҳӣ, соҳибкорӣ ва иқтисоди сабз ва барои густариши муносибатҳои тарафайни байналмилалӣ замина мегузорад.
Дар баромади Забирзода Некрӯй, сардори раёсати Кумитаи сармоягузорӣ ва идораи амволи давлатии назди Ҳукумати ҶТ масъалаи густариши соҳибкории сайёҳӣ мавриди баррасӣ қарор гирифт. Мавсуф қайд намуд, ки эълони мораторий ба санҷишҳои фаъолияти субъектҳои соҳибкорӣ, такмили меъёрҳои амалкунандаи арзёбии хавфҳо ва механизми татбиқи имтиёзи андоз аз фоида, таҳияи Стратегияи ҷалби сармоя барои давраи то соли 2040 ва иҷрои дигар дастуру супоришҳо, ки аз Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон бармеоянд, барои рушди минбаъдаи соҳибкорӣ ва ҷалби сармояи мустақими хориҷӣ ба иқтисоди кишвар мусоидат хоҳанд кард.
Дар идома намояндаи Вазорати молияи ҶТ Толибӣ Таҳмина, сармутахассиси Бонки миллии Тоҷикистон Бойназарзода Абубакр, намояндаи Кумитаи ҳифзи муҳити зист Файзуллозода Б. баромад карда, аҳаммияти рушди соҳаи сайёҳиро ба иқтисодиёти кишвар муҳим арзёбӣ карда, аз ҷумла қайд намуданд, ки сайёҳӣ яке аз муҳимтарин фаъолиятҳо дар ҷаҳон буда ҳамасола афзоиши назаррасро нишон медиҳад. Бисёр кишварҳо сайёҳиро воситаи асосии рушди минтақавӣ мешуморанд, зеро он намудҳои нави фаъолияти иқтисодиро ҳавасманд мекунад. Дар баробари ин, сайёҳӣ метавонад ба тавозуни пардохт, ММД ва сатҳи шуғл таъсири мусбати иқтисодӣ расонад.
Дар баромадҳо, ҳамзамон гуфта шуда, ки иқтисоди сабз ҳамчун заминаи рушди устувор баррасӣ карда мешавад, ки технологияҳои инноватсионии сабз воситаҳои асосии он ба ҳисоб мераванд.
Дар баробари ин, намояндагони Институти забонҳои хориҷии Андиҷони Ҷумҳурии Узбекистон Эгамбердиев Ҷ. дар мавзуи “Аҳамияти ҳифзи мероси фарҳангӣ ва анъанвӣ дар сайёҳӣ” ва Бозорбеков А. дар мавзуи «Логистикаи сабз дар Осиёи Марказӣ: устувории экологӣ ва қарорҳои инноватсионӣ» баромад карданд.
Ҳамзамон, ба таври маҷозӣ маърузаҳои олимон Маркус Холтс, муовини Президенти Донишгоҳи илмҳои амалии Анхалти Олмон, аз Федератсияи Россия Никитина Татяна Викторовна, д.и.и., профессори Донишгоҳи давлатии иқтисодии Санкт-Петербурги Федератсияи Россия дар мавзуи “Таъсири рақамикунонӣ ба рушди устувори бонкҳо”, Голишева Е.В., ходими калони илмии Институти илмию тадқиқотии рушди туризми Узбекистон дар мавзуи “Рушди устувори сайёҳии Ҷумҳурии Узбекистон”, Амир Арслонзода, директори генералӣ ва узви раёсати ширкати Ариан Пардис Дин Холдинги сайёҳӣ ва меҳмоннавозии Ҷумҳурии Исломии Эрон дар мавзуи “Рустариши сайёҳии сабз байни Эрону Тоҷикистон” шунида шуд, ки масъалаҳои муҳимми болозикрро дар бар мегирифт.
Дар баромади намояндагони Ҷумҳурии Узбекистон Наврӯззода Бахтиёр, д.и.и., профессори Донишгоҳи Бухоро дар мавзуи «Таҷрибаи ташкили деҳаи этносайёҳии «Ширин» дар наздикии Бухоро» намунаи деҳаҳои сайёҳӣ ва кӯчаҳои сайёҳӣ дар шаҳри Бухоро муаррифӣ карда шуда, истифодаи ин таҷрибаро барои Тоҷикистон муҳим арзёбӣ кард. Дар баробари ин, пешниҳод кард, ки бо мақсади тайёр кардани кадрҳо дар соҳаи сайёҳии этникӣ барои донишҷўёни ДБССТ курси махсуси туризми этникӣ ҷорӣ карда шавад ва дар мавзуи механизми ташкилию иқтисодии ташаккул ва рушди деҳаҳои этносайёҳӣ (дар мисоли Ҷумҳурии Тоҷикистон) тадқиқотҳои диссертатсионӣ гузаронида шавад.
Сарходими илмии АМИТ Раҳмонов Мирсаид дар мавзуи “Геотуризми Тоҷикистон аз диду мадидҳои стратегӣ” баромад карда, барои рушди сайёҳӣ имкониятҳои афзуни Тоҷикистонро номбар карда, онҳоро дар ҷалби сайёҳони хориҷӣ муҳим арзёбӣ кард.
Дар маърузаи худ ходими пешбари илмии Институти илмию таҳқиқотии сайёҳӣ ва соҳибкории ДБССТ Маъдиев С. дар мавзуи “Ташаккули фарҳанги соҳибкории сайёҳии ба иқлим нигаронидашуда” модели М5+-ро дар заминаи дастовардҳои илмии замони муосир асоснок пешниҳод намуд, ки ин дар оянда ҳамчун фишанги идоракунии дараҷаи маърифатнокии субъектҳои соҳибкории сайёҳии ба иқлим нигаронидашуда баромад мекунад.
Дар охир аз ҷониби кумитаи тадорукот ба меҳмонон барои саҳм гузоштан дар кори Форуми байналмилалӣ Сипосномаҳо супорида шуд. Меҳмонон низ ба кумитаи тадорукот туҳфаҳои омодакарда хешро супориданд.
Хуллас, дар ин форум масоили мубрами соҳаи сайёҳӣ, соҳибкорӣ ва иқтисоди сабз баррасӣ гардида, барои рушди минбаъдаи он дар кишвар пешниҳодҳои илман асоснок карда шуданд ва ба мақомоти дахлдор пешниҳод карда мешаванд.
