Ҳимояи муваффақонаи рисолаҳои номзадии омӯзгорони Донишгоҳ
19 феврали соли 2025 омӯзгорони кафедраи риёзиёт дар иқтисодиёт-и Муассисаи давлатии “Донишгоҳи байналмилалии сайёҳӣ ва соҳибкории Тоҷикистон”, Аҳмадов Фарвариддин Муфазалович ва Захурбеков Алишер, рисолаҳои номзадии худро дар Шӯрои диссертатсионии назди Донишгоҳи миллии Тоҷикистон бомуваффақият ҳимоя намуданд.
Ин дастоварди илмӣ боз як қадами муҳиме дар роҳи рушду инкишофи илми риёзиёт ва татбиқи он дар иқтисодиёт маҳсуб ёфта, саҳми омӯзгорони донишгоҳро дар рушди соҳаи илм ва таълим боз ҳам афзун мегардонад.
Роҳбарияти донишгоҳ, ҳамкасбон ва донишҷӯён ин муваффақияти назарраси илмиро самимона таҳният гуфта, ба муҳаққиқони ҷавон дар фаъолияти минбаъдаашон комёбиҳои нав ба нав орзу менамоянд.
Дастоварди навбатии илмии омӯзгорони Донишгоҳ муборак бошад!
