ДАРХОСТ БАРОИ ИЗҲОРИ ҲАВАСМАНДӢ
| Кишвар: | Ҷумҳурии Тоҷикистон |
| Номи лоиҳа: | Лоиҳаи рушди таҳсилот дар соҳаи бизнеси сайёҳӣ |
| Бахш: | Маориф |
| Хизматрасониҳои машаваратчии инфиродӣ: | Мутахассиси калон оид ба харид |
| Навъи маблағгузорӣ: | Қарзи Бонки Исломии Рушд |
| Рақами лоиҳа: | TJK1048 |
Бонки Исломии Рушд маблағгузориро ба маблағи 13,95 миллион доллари ИМА барои Лоиҳаи рушди таҳсилот дар соҳаи бизнеси сайёҳӣ тасдиқ намудааст ва азм дорад қисме аз ин маблағро барои пардохтҳои қобили қабул тибқи шартномаи хизматрасонии мушовир – мушовири инфиродӣ истифода намояд, ки вобаста ба он дархости мазкур барои изҳори ҳавасмандӣ нашр гардидааст.
Ҳадафи лоиҳа – беҳтар намудани дастрасӣ ба таҳсилоти олии касбӣ дар соҳаи сайёҳӣ ва меҳмондорӣ ва баланд бардоштани сифати он дар заминаи таҷрибаи беҳтарини байналмилалӣ мебошад. Ҳадафи мазкур тавассути муосиргардонии инфрасохтори муассисаи мавҷудаи соҳаи сайёҳӣ ва таҳким бахшидани иқтидори он барои анҷом додани нақши марказ (ҳаб) дар самти таҳсилоти соҳаҳои сайёҳӣ ва меҳмондорӣ дар минтақа амалӣ мегардад. Донишгоҳи байналмилалии сайёҳӣ ва соҳибкории Тоҷикистон Агентии иҷроияи лоиҳа мебошад. Муҳлати татбиқи лоиҳа 5 солро дар бар мегирад.
Хизматрасониҳо аз дастгирии пурраи Гурӯҳи идоракунии лоиҳа (PMU)/Агентии иҷроия (EA) оид ба масъалаҳои хариди молҳо, корҳо, хизматрасониҳои ғайримашаваратӣ ва машваратӣ дар доираи лоиҳа тибқи қоидаҳо ва талаботи Бонки Исломии Рушд дар самти харид, идоракунии шартномаҳо ва мониторинги иҷрои онҳо ва ғайра иборат мебошад.
Давомнокии тахминии кор 60 (шаст) моҳро ташкил медиҳад. Санаи пешбинишудаи оғози супориш марти соли 2026 мебошад.
Тафсилоти пурраи вазифаҳои техникӣ (ToR) барои супориши мазкур дар истиноди зерин: https://iutet.tj/мутахассиси-калон-оид-ба-харид/ дастрас буда, инчунин онҳоро аз рӯйи суроғаи дар поён зикршуда пайдо намудан мумкин аст.
Донишгоҳи байналмилалии сайёҳии ва соҳибкории Тоҷикистон аз мушовирони инфиродии соҳибтахассус даъват ба амал меорад, то ҳавасмандии худро барои пешниҳоди хизматрасониҳои мазкур иброз намоянд. Мушовирони хоҳишманд бояд маълумоти мушаххас пешниҳод намоянд, ки ба талаботи тахассусӣ будани онҳоро барои иҷрои хизматрасониҳои пешбинишуда пурра тасдиқ намояд.
Руйхати кӯтоҳ дар заминаи арзёбии тарҷумаи ҳол (CV) ва маълумоти муфид дар ҷавоб ба ҳамин эълон, аз ҷумла тавсияномаҳо тартиб дода мешавад.
Довталабони иқтидорӣ бояд маълумотро дар бораи малакаҳои умумии касбӣ ҳамчун мушовири инфиродӣ, таҷрибаи корӣ дар самти мувофиқ, таҷрибаи фаъолият аз рӯйи супоришҳои мазкур, инчунин донистани забонҳо пешниҳод намоянд.
Мушовир тибқи усули интихоб, ки нисбат ба мушовирони инфиродӣ татбиқ мегардад ва тавре дар “Роҳнамо доир ба харидории хизматрасониҳои маслиҳатӣ дар доираи маблағгузории лоиҳаҳои Бонки Исломии Рушд” (нашри апрели соли 2019, таҳрири феврали соли 2023) муқаррар шудааст, интихоб карда мешавад.
Талаботи ҳадди ақали тахассусӣ:
- Маълумоти олии касбӣ дар самти бизнес-маъмуриятчигӣ, ҳуқуқ, иқтисод ё дигар ихтисосҳои шабеҳ (кори сохтмонӣ, менеҷменти саноатӣ, молия);
- Таҷрибаи кории на камтар аз 5 сол дар соҳаи хариди молҳо, корҳо ва хизматрасониҳо тибқи тартиботи созмонҳои байналмилалии рушд;
- Омӯзиш/тренингҳои қаблӣ оид ба расмиёти байналмилалии харид, аз ҷумла хариди молу корҳо, инчунин ва интихоби мушовирон. Донистани Низомнома оид ба хариди Бонки Исломии Рушд афзалият ҳисобида мешавад;
- Донистани қонунгузории Ҷумҳурии Тоҷикистон оид ба хариди давлатӣ;
- Таҷрибаи истифодаи компютер ва барномаҳои офисӣ (MS Word, Excel ва ғ.), инчунин дониши пешрафта дар самти кор бо ҷадвалҳои электронӣ ва пойгоҳи маълумот;
- Таҷрибаи истифодаи воситаҳои онлайнии Бонки Исломии Рушд барои банақшагирӣ ва пайгирии харидҳо;
- Озод донистани забонҳои англисӣ ва тоҷикӣ ва/ё русӣ.
Ба мушовирони инфиродии хоҳишманд тавсия дода мешавад, ки бо бандҳои 1.12.1 ва 1.12.2 “Роҳнамо доир ба харидории хизматрасониҳои маслиҳатӣ дар доираи маблағгузории лоиҳаҳои Бонки Исломии Рушд” (нашри апрели соли 2019, таҳрири феврали соли 2023) шинос гарданд, ки дар он сиёсати Бонки Исломии Рушд оид ба ихтилофи манфиатҳо баён шудааст.
Мушовирони инфиродии хоҳишманд аз рӯйи нишонии дар поён овардашуда, дар вақти корӣ, яъне аз соати 08:00 то 17:00 (бо вақти маҳаллӣ) маълумоти иловагӣ дастрас карда метавонанд.
Изҳори ҳавасмандӣ бояд дар шакли хаттӣ, ҳамроҳ бо тарҷумаи ҳол (CV) ва дигар ҳуҷҷатҳои зарурӣ (шахсан ё тавассути почтаи электронӣ) ба нишонии дар поён зикршуда, на дертар аз 17:00 9 феврали 2026 пешниҳод карда шаванд.
Донишгоҳи байналмилалии сайёҳӣ ва соҳибкории Тоҷикистон
Ба таваҷҷуҳи: проф. Асрорзода Убайдулло Саттор
хиёбони Борбад 48/5, ш. Душанбе, Ҷумҳурии Тоҷикистон
Тел.: +992 37 234 88 02
Почтаи электронӣ: dsx_ips@mail.ru, нусха ба iutetiro.tj@gmail.com, idbroa@isdb.org
Сомона: http://www.iutet.tj
