ҒОЛИБОНИ ОЛИМПИАДАИ МИНТАҚАВӢ ҚАДРДОНӢ ГАРДИДАНД

02 апрели соли 2025 дар фазои тантанавӣ маросими ҷамъбасти Олимпиадаи минтақавии хонандагони синфҳои 9 ва 11-и муассисаҳои таҳсилоти миёнаи асосӣ, умумӣ ва ибтидоии касбии шаҳру ноҳияҳои вилояти Суғд баргузор гардид.
Олимпиада бо ташаббуси Донишгоҳи байналмилалии сайёҳӣ ва соҳибкории Тоҷикистон барои дарёфти “Ҷоми раёсати ДБССТ” аз рӯйи фанҳои математика, физика, химия, биология, технологияҳои иттилоотӣ ва география баргузор гардид.
Дар ин мусобиқаи зеҳнӣ 250 нафар хонандагон аз 18 шаҳру ноҳияи вилояти Суғд бо ҳам рақобат намуданд. Барои баҳогузории холисона ва касбии сатҳи дониши иштирокчиён, ҳайати доварон аз ҳисоби омӯзгорони варзидаи Донишгоҳи давлатии Хуҷанд ба номи академик Б. Ғафуров ҷалб карда шуд.
Дар асоси натиҷаҳои ҷамъбастии озмун, ғолибон бо “Ҷоми раёсати ДБССТ”, диплом, ифтихорнома ва туҳфаҳои хотиравӣ сарфароз гардонида шуданд.
Чорабинии мазкур аҳамияти олимпиадаҳоро дар кашфи истеъдодҳои ҷавон, рушди тафаккури илмӣ ва ташаккули насли донишманду ояндасоз бори дигар собит намуд.
ш. Хуҷанд, 02.04.2025

Leave a Reply

Your email address will not be published. Required fields are marked *