04 апрели соли 2025 дар Донишгоҳи байналмилалии сайёҳӣ ва соҳибкории Тоҷикистон бо ташаббуси Кумитаи иҷроияи Ҳизби халқии демократии Тоҷикистон дар ноҳияи Фирдавсии шаҳри Душанбе дар ҳамкорӣ бо Кумитаи ибтидоии “Соҳибкор”-и назди донишгоҳ, ҳамоиши илмӣ таҳти унвони “Ҳамсоягии нек — ҳадафи меҳварии Пешвои муаззами миллат” баргузор гардид.
Дар ҳамоиш роҳбарият ва намояндагони ҲХДТ, сохторҳои ҳизбии шаҳри Душанбе ва ноҳияи Фирдавсӣ, вакили Маҷлиси намояндагони Маҷлиси Олии Ҷумҳурии Тоҷикистон, ҳайати профессорону омӯзгорон, донишҷӯён ва дигар меҳмонони расмӣ иштирок намуданд.
Зимни ҳамоиш перомуни сиёсати дӯстонаи хориҷии Пешвои миллат, муҳтарам Эмомалӣ Раҳмон, нақши ҳамсоягии нек дар таҳкими сулҳу субот ва рушди ҳамкориҳои минтақавӣ, инчунин саҳми ҷавонон дар татбиқи ҳадафҳои стратегии кишвар баррасиҳои илмӣ ва суханрониҳои ҷолиб ироа гардиданд.
Ҳамоиши мазкур яке аз иқдомҳои муҳими тарғиботию маърифатӣ ба шумор меравад, ки дар заминаи сиёсати хирадмандонаи Пешвои миллат ва бо мақсади таҳкими муносибатҳои дӯстона байни мардумони минтақа роҳандозӣ шудааст.
