ТАҚВИЯТИ ФАЪОЛИЯТИ ИНСТИТУТҲОИ ИЛМИЮ ТАДҚИҚОТӢ: Сафари кории кормандони институтҳои илмию тадқиқотии “Сайёҳӣ ва соҳибкорӣ” ва “Иқтисоди сабз” ба Олмон
Кормандони Институтҳои илмию тадқиқотии “Сайёҳӣ ва соҳибкорӣ” ва “Иқтисоди сабз” профессорон Иброҳимзода Илҳомуддин Раҷабалӣ ва Шаропов Фарҳод Разоқович ҷиҳати тақвияти фаъолияти институтҳои илмию тадқиқотӣ дар доираи сафари корӣ озими шаҳри Берлини Олмон шуданд.
Нахуст, намояндагони Институтҳои илмию тадқиқотии назди Донишгоҳи байналмилалии сайёҳӣ ва соҳибкории Тоҷикистон бо Сафири Ҷумҳурии Тоҷикистон дар Олмон муҳтарам Имомуддин Сатторӣ мулоқот анҷом дода, Нақшаи баъдии вохӯриву мулоқотҳоро бо институтҳои илмии Олмон тасдиқ намуданд.
Зимни баргузории нишасту мулоқотҳо бо институтҳои илмии Олмон, масъалаҳои вобаста ба таҳкими ҳамкориҳо дар доираи имзои тафоҳумномаҳо сурат мегирад.
Масъалаҳои таҳқиқотҳои илмӣ, баргузории чорабиниҳои илмӣ ва навиштани мақолаву монографияҳои илмии муштарак аз мавзуҳои асосии сӯҳбату мулоқотҳо хоҳад буд.
Ҳамзамон, дар доираи сафари корӣ, корбарӣ вобаста ба нашри мақолаҳои муаррификунандаи Тоҷикистон ҳамчун кишвари “Сабз” дар маҷаллаҳои бонуфӯзи ҷаҳонӣ сурат мегирад.
Ёдовар мешавем, ки дар ин сафар корманди хориҷии Институти илмию тадқиқотии сайёҳӣ ва соҳибкорӣ Никитина Т.В. низ намояндагони Донишгоҳро ҳамроҳӣ менамояд.
