Омодагиҳо дар ин раванд
Рӯзҳои 2-3 апрели соли 2025 дар Литсейи касбии хизмати шаҳри Хуҷанд олимпиадаи минтақавии хонандагони синфҳои 9 ва 11-и муассисаҳои таҳсилоти миёнаи асосӣ, умумӣ ва ибтидоии касбии шаҳру ноҳияҳои вилояти Суғд баргузор мегардад.
Олимпиада дар доираи амалисозии дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати иҷрои Нақшаи чорабиниҳои “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” аз рӯйи фанҳои математика, физика, химия, биология, технологияҳои иттилоотӣ ва география барои дарёфти “Ҷоми раёсати Донишгоҳи байналмилалии сайёҳӣ ва соҳибкории Тоҷикистон” сурат мегирад.
Ҳадафи асосии ин чорабинӣ баланд бардоштани сатҳи дониши хонандагон, рушди қобилиятҳои илмии онҳо ва ташаккули тафаккури техникии насли наврас мебошад.
Ғолибони олимпиада бо “Ҷоми раёсати ДБССТ”, дипломҳо ва туҳфаҳои арзишманд қадрдонӣ хоҳанд шуд.
Инчунин, беҳтарин довталабон метавонанд имкони идомаи таҳсил дар Донишгоҳи байналмилалии сайёҳӣ ва соҳибкории Тоҷикистонро бо имтиёзҳои махсус ба даст оранд.
Барои баргузории олимпиадаи болозикр дар Литсейи касбии хизмати шаҳри Хуҷанди назди Донишгоҳи байналмилалии сайёҳӣ ва соҳибкории Тоҷикистон тамоми шароити зарурӣ омода карда шудааст.
ш. Хуҷанд, 01.04.2024
