23 ноябри соли 2024 дар шаҳри Чендуи Ҷумҳурии Мардумии Чин конфронси умумиҷаҳонии рушди таҳсилоти касбию техникӣ — 2024 (Conference of China-Central Asia Production-Education Integration on Digital and Intelligent Skills Community) баргузор гардид, ки дар он омӯзгорони ДБССТ иштирок намуданд.
Иштирокдорони конфронс масоили мубрами рушди таҳсилоти касбию техникӣ, ҳамбастагии таҳсилот ва истеҳсолот дар Чин ва Осиёи Марказиро баррасӣ намуданд.
Дар кори конфронс мудири шуъбаи барномаҳои сармоягузорӣ ва татбиқи лоиҳаҳои донишгоҳ номзади илмҳои иқтисодӣ Ҷаҳонгир Машокиров дар мавзӯи “Рушди технологияи рақамӣ дар низоми иқтисоди сабз дар Ҷумҳурии Тоҷикистон”маъруза намуд.
Иттилоъ бояд дод, ки дар конфронс беш аз 200 намояндагони ширкатҳои бонуфуз аз давлатҳои Гурҷистон, Венгрия, Малайзия, Ӯзбекистон, Қазоқистон ва муассисаҳои таҳсилоти олии касбии хориҷӣ ширкат варзиданд.
ш.Ченду, Чин
