Logo

РЕЗОЛЮТСИЯИ КОНФРОНСИ ИЛМИЮ АМАЛИИ БАЙНАЛМИЛАЛӢ

March 13, 2025ИИТССТтч, Хабархоby 299 Comments
РЕЗОЛЮТСИЯИ КОНФРОНСИ ИЛМИЮ АМАЛИИ БАЙНАЛМИЛАЛӢ ДАР МАВЗУИ «МАВҚЕЪ ВА НАҚШИ САЙЁҲӢ ДАР РУШДИ ИҚТИСОДИ МИЛЛӢ: ХУСУСИЯТҲОИ ИЛМИИ ОМӮЗИШИ ФАЪОЛИЯТИ САЙЁҲӢ ВА АРЗЁБИИ ТАЪСИРИ ОН БА НИШОНДИҲАНДАҲОИ МАКРОИҚТИСОДӢ»
Санаи 20-уми феврали соли 2025 дар Китобхонаи миллии Тоҷикистон бо ташаббуси Институти илмию таҳқиқотии сайёҳӣ ва соҳибкории Донишгоҳи байналмилалии сайёҳӣ ва соҳибкории Тоҷикистон конфронси илмию амалии байналмилалӣ дар ҳамкорӣ бо Кумитаи давлатии сармоягузорӣ ва идораи амволи давлатии Ҷумҳурии Тоҷикистон ва Кумитаи рушди сайёҳии назди Ҳукумати Ҷумҳурии Тоҷикистон дар мавзуи «Мавқеъ ва нақши сайёҳӣ дар рушди иқтисоди миллӣ: хусусиятҳои илмии омӯзиши фаъолияти сайёҳӣ ва арзёбии таъсири он ба нишондиҳандаҳои макроиқтисодӣ» бо иштироки вазорату идораҳо, олимону мутахассисони соҳа аз дохил ва хориҷи кишвар баргузор гардид.
Дар конфронс дар баробари иштироки олимому мутахассисони ватанӣ, инчунин аз мамлакатҳои Ҷумҳурии Исломии Эрон, Федератсияи Россия, Олмон, Малайзия, Узбекистон баромад карда, барои рушди соҳаи сайёҳӣ фикру андешаҳояшонро пешниҳод намуданд, ки онҳо дар робита ба рушди минбаъдаи сайёҳии минтақавӣ, аз ҷумла ба кор даровардани инфрасохтори сайёҳӣ мусоидат менамоянд.
Аз баромадҳо ва маърузаҳои кардашуда чунин тавсияҳои илманасосноки аҳамияти илмию амалидошта пешниҳод карда шуд:
1. Ташкил намудани дастрасии бештари ҷумҳурӣ барои ҷалби сайёҳони хориҷӣ тавассути муаррифии бештари имкониятҳои сайёҳӣ, сафарбар намудани олимону тадқиқотчиён ва ширкатҳои сайёҳӣ ҷиҳати иштирок дар чорабиниҳои байналмилалӣ;
2. Ҷоннок намудани сайёҳони дохилӣ барои бештар гардидани саҳми сайёҳӣ дар рушди иқтисодиёти миллӣ тавассути таблиғот;
3. Беҳтар намудани ҳолати инфрасохтори мавҷудаи сайёҳӣ ва фаъол гардонидани захираҳои сайёҳии омӯхтанашуда бо роҳи таҳқиқоти оморӣ ва арзёбии иншоотҳои сайёҳӣ;
4. Рушди сайёҳии истироҳатию табобатӣ дар асоси ба назарпурсӣ ва муайян кардани иқтидорҳои сайёҳии ба ин самти сайёҳӣ нигаронидашуда;
5. Ҷалби сармоягузориҳо, грантҳо ва барномаҳои давлатӣ барои рушди соҳаи сайёҳӣ тавассути бастани шартномаҳо, табодули муҳаққиқон байни Институт ва шарикони рушд, навиштани лоиҳаҳо;
6. Муаррифии бештари кишвар дар арсаи байналмилалӣ тавассути ташкили сомонаҳо ва шабакаҳои иҷтимоӣ;
7. Пайдо намудани мавқеи устувор дар бозори ҷаҳонии сайёҳӣ бо роҳи баланд бардоштани сифати хизматрасониҳои сайёҳӣ, таргиботи ҷолибияти сайёҳӣ ва иштирок дар Намоишгоҳҳои байналмилалии сайёҳӣ;
8. Таъсиси шароитҳои мутобиқ ба талаботи сайёҳони байналмилалӣ бо роҳи роҳи баланд бардоштани сифати хизматрасониҳои сайёҳӣ ва беҳтар кардани таркиби молҳои сайёҳӣ ва инфрасохтори он;
9. Омода намудани мутахассисони баландихтисоси соҳаи сайёҳӣ бо роҳи табодули таҷрибаомӯзӣ ва боло бурдани сифати таълим дар МТОК дар риштаи сайёҳӣ;
10. Зиёд намудани шумораи ширкатҳои сайёҳӣ тавассути мусоидати давлатӣ дар рушди самтҳои нави сайёҳӣ ва муқаррар намудани имтиёзҳо барои соҳибкории сайёҳӣ;
11. Вобаста ба афзалият додани соҳаи сайёҳӣ дар сохтори соҳаҳои иқтисодиёт ошкор ва сафарбар намудани имкониятҳо бобати афзоиш додани ҳиссаи сайёҳӣ дар ҳаҷми МММ ва ММД;
12. Тавассути ҳамкорӣ бо институтҳои молиявии дохилӣ ва берунӣ, баланд бардоштани сатҳи КИТ зиёд намудани ҳиссаи сайёҳӣ дар буҷети давлатӣ;
13. Зиёд намудани шумораи ҷойҳои корӣ аз ҳисоби васеъ кардани инфрасохтори сайёҳӣ ва омодасозии роҳбаладон ва кормандони байнисоҳавии хизматрасонии сайёҳӣ;
14. Истифодаи таҷрибаи сайёҳон байни бародаршаҳрҳо бо истифодаи таҷрибаи ҳамдигар ва бастани шартномаҳои ҳамкориҳо дар бахши сайёҳӣ;
15.Дар самти хизматрасонии инфрасохтори сайёҳӣ ҷорӣ намудани технологияҳои нав ва истифодаи хизматрасониҳои инноватсионии бонкӣ;
16. Пешгирии таҳдидҳо тавассути таҳияи дурнамои вусъати сайёҳӣ дар шаҳрҳои пешқадам;
17. Рушди гардишгарӣ, ҳотелдорӣ, сайёҳии солимгардонӣ, фарҳангӣ, экологӣ ва монанди инҳо байни Эрону Тоҷикистон дар асоси ҷорӣ намудани расмиёти бераводиди байни ду кишвар;
18. Тибқи барномаи MBA тақвият додани рушди сайёҳии байналмилалӣ;
19. Дар асоси муаррифии ширкати сайёҳии “HalalTrip” ба роҳ мондани истифодаи рақамикунонии хизматрасонии сайёҳӣ;
20. Ташкили хатсайрҳои сайёҳӣ барои сайёҳони Ҷумҳурии Узбекистон дар Тоҷикистон дар давраи тобистон дар асоси бастани шартномаҳои тарафайн;
21. Ташкил намудани қатора дар масири Душанбе-Бухоро барои вусъат ёфтани рафтуомади сайёҳони ин ду кишвар бо дастгирии Ҳукумати Ҷумҳурии Тоҷикистон ва Ҷумҳурии Узбекистон;
22. Ташкили долонҳои транзитии байни Ҷумҳурии Тоҷикистон ва Ҷумҳурии Узбекистон дар асоси бастани шартномаҳои тарафайн;
23. Бо роҳи тақвият додани ҷабҳаҳои илмӣ-назариявии соҳаи сайёҳӣ таъмини таъсири он ба нишондиҳандаҳои макроиқтисодӣ ва рушди устувори кишвар;
24. Дар асоси таҳқиқ ва назарпурсиҳои соҳавӣ арзёбии иқтидори сайёҳӣ ва таъсири он ба иқтисоди миллӣ, иҷтимоиёт, муҳити зист.

Previous

Next

299 Comments:

Leave a Reply

Your email address will not be published. Required fields are marked *

Хабарҳо
Муаррифии лоиҳаҳои шабакаҳои донишкадаҳои байналмилалии Донишгоҳи байналмилалии сайёҳӣ ва соҳибкории Тоҷикистон
27 Sep, 2026
РУШДИ ҲАМКОРИҲОИ ДОНИШГОҲ БО MERI CENTRE FOR INTERNATIONAL STUDIES
10 Sep, 2026
МУКОФОТҲОИ ДАВЛАТӢ МУБОРАК БОШАНД!
4 Sep, 2026
ДАР ДБССТ БАХШИДА БА 35-СОЛАГИИ ИСТИҚЛОЛИЯТИ ДАВЛАТӢ ЧОРАБИНИИ ТАНТАНАВӢ БАРГУЗОР ГАРДИД
4 Sep, 2026
БАРГУЗОРИИ КОНФЕРЕНСИЯИ ҶУМҲУРИЯВӢ ДАР МАВЗУИ “ИСТИҚЛОЛИЯТ - РАМЗИ ОЗОДӢ, ПОЙДОРИИ ДАВЛАТ ВА САРЧАШМАИ ХУДШИНОСИИ МИЛЛӢ”
3 Sep, 2026
ТАШРИФИ ЁРДАМЧИИ ПРЕЗИДЕНТИ ҶУМҲУРИИ ТОҶИКИСТОН АНВАР САФАРЗОДА БА ДБССТ ДАР РӮЗИ ДОНИШ
1 Sep, 2026
МУКОФОТҲО МУБОРАК БОШАНД!
1 Sep, 2026
ТАМОШОИ ДАСТАҶАМЪОНАИ СУХАНРОНИИ ПЕШВОИ МИЛЛАТ МУҲТАРАМ ЭМОМАЛӢ РАҲМОН БАХШИДА БА РӮЗИ ДОНИШ ВА ДАРСИ СУЛҲ ДАР ДБССТ
1 Sep, 2026
ПРЕЗИДЕНТИ ФОНДИ ОПЕК ОИД БА РУШДИ БАЙНАЛМИЛАЛӢ ДОКТОР АБДУЛҲАМИД АЛХАЛИФА БО УНВОНИ «ПРОФЕССОРИ ФАХРӢ»-И ДОНИШГОҲ САРФАРОЗ ГАРДИД
31 Aug, 2026
Бештар