Даъват барои интихоби пешакӣ (пешихтисосгузаронӣ)
Ҷумҳурии Тоҷикистон
Лоиҳаи рушди таҳсилот дар соҳаи бизнеси сайёҳӣ
Сохтмони иншооти таълимӣ ва хобгоҳи Донишкадаи байналмилалии Данғараи Донишгоҳи байналмилалии сайёҳӣ ва соҳибкории Тоҷикистон
Рақами маблағгузорӣ: TJK1048
Даъвати мазкур барои интихоби пешакӣ дар пайи эълони умумии харид оид ба лоиҳаи мазкур, ки 10 феврали соли 2026 дар сомонаҳои Бонки Исломии Рушд, DG Market, Донишгоҳи байналмилалии сайёҳӣ ва соҳибкории Тоҷикистон (ДБССТ) ва Вазорати рушди иқтисод ва савдо нашр гардида буд, пешниҳод мегардад.
Ҷумҳурии Тоҷикистон барои рӯпӯш хароҷоти Лоиҳаи рушди таҳсилот дар соҳаи бизнеси сайёҳӣ аз Бонки Исломии Рушд (IsDB) маблағгузорӣ дархост намудааст ва ният дорад қисме аз маблағҳои мазкурро барои пардохтҳо тибқи Шартномаи сохтмони иншооти таълимӣ ва хобгоҳи Донишкадаи байналмилалии Данғара истифода намояд. Донишгоҳи байналмилалии сайёҳӣ ва соҳибкории Тоҷикистон ният дорад пудратчиён ва/ё ширкатҳоро барои таъминоти молҳо, корҳои сохтмонӣ ва хизматрасониҳои вобаста, ки дар доираи ин лоиҳа харидорӣ мешаванд, тариқи интихоби пешакӣ муайян намояд.
Фаъолиятҳо иҷро ё ба анҷом расонидани иншооти муосири таълимӣ, ки ба тағйирёбии иқлим мутобиқ, нерӯи каммасраф ва аз ҷиҳати экологӣ тоза, бо дарназардошти баробарии гендерӣ ва дастрас барои шахсони дорои маъюбият мебошанд (бо 1 314 ҷой дар 56 синфхона, толорҳои конфронс ва варзишӣ), инчунин хобгоҳи фарогири донишҷӯён (хобгоҳ барои 336 нафар); ғайр аз ин идоракунии масъалаҳои экологӣ, иҷтимоӣ, меҳнатӣ ва бехатарии меҳнат (ESHS)-ро дар бар мегиранд. Интизор меравад, ки даъват барои пешниҳоди пешниҳодҳои тендерӣ дар нимаи дуюми соли 2026 нашр гардад.
Пудратчиёне, ки дорои тахассусҳои асосии зерин мебошанд, барои иштирок дар раванди интихоби пешакӣ даъват карда мешаванд:
• Захираҳои молиявӣ: Ҳадди ақали захираҳои молиявӣ барои таъмини талаботи гардиши маблағ (cash flow) барои корҳои сохтмонӣ ба маблағи 3 500 000 доллари ИМА.
• Гардиши миёнаи солонаи корҳои сохтмонӣ: Ҳадди ақал гардиши миёнаи солонаи сохтмонӣ ба маблағи 10 000 000 доллари ИМА.
• Таҷрибаи сохтмон ва идоракунии шартномаҳо: Ҳадди ақал 2 шартнома, ҳар яке ба маблағи на камтар аз 10 000 000 доллари ИМА, ки дар давраи аз 1 январи соли 2020 то муҳлати ниҳоии пешниҳоди дархост ба таври қаноатбахш ва асосан пурра анҷом дода шудаанд.
Интихоби пешакӣ тибқи тартиботи пешбинишуда дар Дастурамали Бонки Исломии Рушд оид ба хариди молҳо, корҳои сохтмонӣ ва хизматрасониҳои вобаста (апрели соли 2019, таҳрири феврали соли 2023) гузаронида шуда, барои ҳамаи иштирокчиён аз кишварҳои сарчашмаи қобили қабул, ки дар дастурамал муайян гардидаанд, кушода мебошад.
Шахсони хоҳишманд, ки ба талабот ҷавобгӯ мебошанд, метавонанд маълумоти иловагӣ ва ҳуҷҷатҳои интихоби пешакиро дар давоми соатҳои корӣ аз соати 08:00 то 17:00 аз нишонии дар поён зикршуда дастрас намоянд. Маҷмӯи пурраи ҳуҷҷатҳои интихоби пешакӣ ба забони англисӣ аз ҷониби довталабони хоҳишманд (а) пас аз пешниҳоди дархости хаттӣ ба нишонии дар поён овардашуда дастрас шуда метавонад. Ҳуҷҷат аз ҷониби Донишгоҳи байналмилалии сайёҳӣ ва соҳибкории Тоҷикистон тариқи почтаи электронӣ баъди дархости расмии довталаб ба суроғаи зерин фиристода мешавад.
Дархостҳо барои иштирок дар интихоби пешакӣ бояд дар лифофаҳои муҳрдор пешниҳод гардида, то 31 марти соли 2026, соати 17:00 (бо вақти Душанбе) ба нишонии дар поён овардашуда расонида шаванд ва бо таври равшан чунин ишора дошта бошанд:
«Дархост барои интихоби пешакӣ оид ба Лоиҳаи рушди таҳсилот дар соҳаи бизнеси сайёҳӣ: Сохтмони иншооти таълимӣ ва хобгоҳи Донишкадаи байналмилалии Данғара».
Номи муассиса: Донишгоҳи байналмилалии сайёҳӣ ва соҳибкории Тоҷикистон
Ба таваҷҷуҳ: Фатҳулло Ҷабборов, Ҳамоҳангсози лоиҳа
Суроға: хиёбони Борбад 48/5, шаҳри Душанбе, Ҷумҳурии Тоҷикистон
Телефон: +992 37 234 88 02
Почтаи электронӣ: dsx_ips@mail.ru, iutetiro.tj@gmail.com
