Сармуҳосиб

СУПОРИШИ ТЕХНИКӢ ВА ҲАҶМИ ХИЗМАТРАСОНИҲО

Пешзамина

Ҷумҳурии Тоҷикистон барои ҷуброни хароҷоти Лоиҳаи рушди таҳсилот дар соҳаи бизнеси сайёҳӣ аз Бонки Исломии Рушд (БИР) маблағгузорӣ гирифтааст. Арзиши умумии лоиҳа 18,25 млн. доллари ИМА-ро ташкил медиҳад, ки аз он 13,95 млн доллари ИМА ҳиссаи маблағгузории БИР мебошад. Лоиҳа аз ҷониби Ҳукумати Ҷумҳурии Тоҷикистон ҳаммаблағгузорӣ мегардад.

Ҳадафи лоиҳа – беҳтар намудани дастрасӣ ба таҳсилоти олии касбӣ дар соҳаи сайёҳӣ ва меҳмондорӣ ва баланд бардоштани сифати он дар заминаи таҷрибаи беҳтарини байналмилалӣ тавассути муосиргардонии инфрасохтори муассисаи мавҷуда ба як муассисаи замонавӣ, фарогир ва устувор дар ноҳияи Дангара, инчунин таҳким бахшидани иқтидори он барои анҷом додани нақши марказ (ҳаб) дар самти таҳсилоти соҳаҳои сайёҳӣ ва меҳмондорӣ ҳамчун пешсад дар таҳсилот доир ба сайёҳии ҳалол, ки таҷрибаи беҳтаринро дар дохили кишвар ва минтақавӣ паҳн мегардонад.

Лоиҳа аз ин унсурҳои зерин иборат мебошад: (A) Дастрасӣ ба таҳсилот дар соҳаи сайёҳӣ ва бизнес; (B) Қобилияти институтсионалии таҳсилот дар соҳаи сайёҳӣ ва бизнес; (C) Дастгирии идоракунии лоиҳа; (D) Аудити молиявӣ; ва (E) унсури вокуниш ба ҳолатҳои фавқулодаи ғайричашмдошт.

Дар сохтори фаъолияти Донишгоҳи байналмилалии сайёҳӣ ва соҳибкории Тоҷикистон (Агенти иҷроия) маркази алоҳидаи доимоамалкунандаи идоракунии лоиҳа (МИЛ) барои таъмини идоракунии самарабахш ва татбиқи лоиҳа дар доираи ҳаҷм ва муҳлати тасдиқшуда таъсис дода шудааст.

Агентии иҷроия ҷиҳати интихоби Сармуҳосиби Маркази идораи лоиҳа (МИЛ), ки таҳти роҳбарии бевоситаи Ҳамоҳангсози лоиҳа фаъолият менамояд, озмун эълон менамояд.

Уҳдадориҳои асосӣ ва натиҷаҳои фаъолият:

Супоришҳои мушаххас/вазифаҳои Сармуҳосиб инҳоро дар бар мегиранд:

• Пешбурди ҳисоботи молиявии лоиҳа ва баҳисобгирии муҳосибии тамоми захираҳои молиявӣ дар доираи лоиҳа;
• Ташкили шароити зарурӣ барои фаъолияти пурра ва мунтазами низоми баҳисобгирии муҳосибии лоиҳа;
• Омода намудани ҳуҷҷатҳои хазинавӣ ва бонкӣ ҷиҳати тасдиқ ва анҷом додани пардохтҳо;
• Назорат ва санҷиши ҳамаи амалиётҳои бонкӣ ва хазинавӣ аз ҷиҳати дақиқӣ, ҳуқуқӣ ва мутобиқат ба талаботи Бонки исломии рушд (ИБР) ва Ҳукумати Ҷумҳурии Тоҷикистон;
• Санҷиши дурустии ҳисобнома-фактураҳои пудратчиён, таъминотчиён ва мушовирон, инчунин назорати равандиСармуҳосиб тасдиқ ва пардохти онҳо.
• Идоракунии тамоми равандҳои марбут ба пардохтҳо, аз ҷумла таҳия, санҷиш ва пешниҳоди Дархостҳо оид ба бозпас гирифтани маблағҳо бо маҷмӯи пурраи ҳуҷҷатҳои тасдиқкунанда мутобиқи тартиботи Бонки исломии рушд (ИБР) ва Созишномаи маблағгузорӣ;
• Омода намудан ва боргузорӣ кардани дархостҳо ҷиҳати пурра намудани Ҳисоби махсус ва анҷом додани пардохтҳои мустақим дар Платформаи электронии пардохтҳои БОР (EDP), инчунин ҳамкорӣ бо гурӯҳ оид ба пардохтҳои БОР ҷиҳати бартараф намудани масъалаҳои бавуҷудомада ва таъмини пешниҳоди дақиқу саривақтӣ;
• Таъмини дурустӣ ва мутобиқати ҳамаи ҳуҷҷатҳои молиявӣ (бонкӣ, хазинавӣ, ҳуҷҷатҳои вобаста ба музди меҳнат ва мукофотпулиҳо) ба талаботи БИР/Ҳукумат, ки барои тасдиқ ба Ҳамоҳангсози МИЛ пешниҳод мегарданд,;
• Омода намудани ҳамаи супоришномаҳои пардохтии лоиҳа ва ордерҳои дохилӣ;
• Ҳамкорӣ ва робита бо шахсони масъули Бонки исломии рушд (ИБР) оид ба масъалаҳои молиявӣ
• Ворид намудани ҳамаи ҳуҷҷатҳои пардохтии хазинавӣ ва бонкӣ ба барномаи муҳосибии лоиҳа ҷиҳати тасдиқи онҳо дар низом;
• Омодасозӣ ва пешниҳоди саривақтии ҳисоботи мунтазами муҳосибӣ ба мақомоти дахлдори давлатӣ;
• Таҳия намудани пешгӯиҳои пардохтҳо ба таври саривақтӣ тавассути муттаҳид (консолидатсия) намудани маълумоти молиявӣ ва иҷроишие, ки аз гурӯҳи МИЛ дастрас мегарданд;
• Омода ва пешниҳоди саривақтии Ҳисоботи молиявии семоҳа (миёнадаврӣ)-и беаудит (IFR) ба Бонки исломии рушд дар муҳлатҳои муқарраргардида.Начало формыКонец формы
• Коркарди пардохтҳо тибқи ҳисобнома-фактураҳои тасдиқгардида ва санҷиши муқоисавии ҳармоҳаи ҳисобҳо бо ҳисобномаҳо ва санадҳои тасдиқшуда;
• Омодасозӣ, ҷамъоварӣ ва пешниҳоди саривақтии тамоми маълумоти молиявии зарурӣ ва ҳуҷҷатҳои тасдиқкунанда ба аудиторони беруна барои гузаронидани аудити ҳисоботи молиявии лоиҳа;
• Назорат аз рӯйи иҷрои тавсияҳои аудит ва чораҳои ислоҳии мувофиқашуда, инчунин мониторинги ҳолати иҷрои онҳо дар ҳамкорӣ бо Ҳамоҳангсози лоиҳа.
• Омода намудан ва ҳамоҳангсозии ҷавобҳо ба эродҳо ва мулоҳизаҳои аудиторон, аз ҷумла таҳияи ҷавобҳои идоракунӣ ва шарҳҳо ба мактуби роҳбарияти аудиторон;
• Иштирок дар равандҳои банақшагирии лоиҳа, таҳияи буҷет, мониторинги молиявӣ ва арзёбӣ;
• Пешбурди баҳисобгирии мунтазами муҳосибии воситаҳои асосӣ, ки дар ҷараёни татбиқи лоиҳа харидорӣ шудаанд;
• Иҷрои дигар супоришҳои Ҳамоҳангсози лоиҳа, ки ба идоракунии молиявии лоиҳа марбут мебошанд.

Малака, таҷриба ва тахассуси асосӣ

• Таҳсилоти олии касбӣ дар соҳаи баҳисобгирии муҳосибӣ, молия, идоракунии бизнес ё идоракунии давлатӣ; доштани таҳсилоти баъдидипломӣ афзал дониста мешавад;
• На камтар аз 5 (панҷ) соли таҷрибаи касбӣ дар соҳаи идоракунии молиявӣ ва баҳисобгирии муҳосибии лоиҳаҳо;
• Таҷрибаи кор дар лоиҳаҳои аз ҷониби донорҳо маблағгузоришаванда бартарӣ ба ҳисоб меравад; донистани талаботи Бонки исломии рушд (ИБР) афзалияти муҳим мебошад;
• Таҷрибаи роҳбарии баҳисобгирии муҳосибӣ ва дигар вазифаҳои молиявӣ, инчунин омода намудани ҳисоботи молиявии дахлдор барои ҷонибҳои гуногуни манфиатдори лоиҳа;
• Дониши хуби низоми баҳисобгирии муҳосибӣ ва идоракунии молиявии Ҳукумати Ҷумҳурии Тоҷикистон;
• Малакаҳои устувори кор бо компютер ва таҷрибаи амалӣ дар истифодаи барномаи 1С: Муҳосибот ва дигар нармафзорҳои молиявӣ;
• Малакаҳои аълои муошират;
• Ба таври комил ва озод донистани забонҳои англисӣ, русӣ ва тоҷикӣ.

Салоҳиятҳо

• Малакаҳои муошират: қобилияти ба таври хаттӣ ва шифоҳӣ расонидани иттилооти мувофиқ, мухтасар ва дақиқ;
• Дақиқӣ ва таваҷҷуҳ ба ҷузъиёт: қобилияти таъмин намудан ва нигоҳ доштани сатҳи баланди дақиқӣ ва сифати кор, аз ҷумла дар шароити фишор ва иҷрои ҳамзамони якчанд вазифа;
• Ҳалли мушкилот: қобилияти қабули қарорҳои асоснок, зоҳир намудани ташаббус дар ҳамаи равандҳои амалиётӣ ва пешниҳоди роҳҳои ҳалли амалӣ ва воқеӣ;
• Банақшагирӣ ва ташкил: қобилияти мустақилона бо назорати ҳадди ақал кор кардан, муайян намудани афзалиятҳо ва банақшагирии сарбории кор, инчунин самаранок анҷом додани ҳаҷми зиёди вазифаҳои гуногун;
• Кор дар гурӯҳ: ба роҳ мондани муоширати муассир ва муносибатҳои созанда дар дохили гурӯҳ ва берун аз он, табодули дониш, иттилоот ва таҷрибаи пешқадам;
• Самтгирӣ ба натиҷа: қобилияти таъмини ноилгардӣ ва ҳатто аз ҳадафҳои гузошташуда ва вазифаҳои амалиётӣ болотар рафтан;
• Талоши пайваста ҷиҳати такмили равандҳои амалиётӣ.

Шартҳои шартнома

• Давомнокии шартнома — 12 (дувоздаҳ) моҳ бо муҳлати санҷишии 3-моҳа аз рӯзи ба имзо расидани шартнома; шартнома ҳар сол дар асоси арзёбии солонаи натиҷаҳои фаъолият ва эҳтиёҷоти лоиҳа тамдид карда мешавад;
• Сармуҳосиб дар асоси шакли пурраи шуғл (соатҳои кории идора) фаъолият менамояд;
• Музди меҳнат ҳар моҳ тибқи ҷадвали музди меҳнат, ки байни Бонки исломии рушд (ИБР), Агентии иҷроия ва Вазорати молия мувофиқа шудааст (мутобиқи қарори дахлдори Ҳукумати Ҷумҳурии Тоҷикистон), пардохт мегардад;
• Вазифа сафарҳои хизматӣ ба объектҳои лоиҳа дар ҳудуди Ҷумҳурии Тоҷикистонро дар бар гирифта метавонад. Хароҷоти вобаста ба сафар (шабонарӯзӣ, будубош ва ғайра) тибқи тартиботи муқарраргардида ҷуброн карда мешаванд;
• Сармуҳосиб дар фаъолияти ҳаррӯзаи лоиҳавӣ ба Ҳамоҳангсози лоиҳа итоат менамояд;
• Ҷойи кор — шаҳри Душанбе.

Ҳуҷҷатҳои зарурӣ:

• Маълумотнома (CV);
• Дипломҳо оид ба таҳсилоти олии касбӣ бо тарҷума ба забони англисӣ
• Дафтарчаи меҳнатӣ / иқтибос аз дафтарчаи меҳнатӣ / маълумотнома оид ба собиқаи корӣ.