Logo

ҚАДРДОНИИ ҒОЛИБОНИ ОЛИМПИАДА ДАР ВМКБ АЗ ҶОНИБИ РАЁСАТИ ДОНИШГОҲ

May 3, 2024Хабархоby 49 Comments
    3 майи соли 2024 вобаста ба натиҷаи ҷамъбасти Олимпиадаи минтақавии хонандагони синфҳои 9 ва 11-и шаҳру ноҳияҳои Вилояти Мухтори Кӯҳистони Бадахшон дар Донишгоҳи давлатии Хоруғ ба номи М. Назаршоев Маросими ҷоизасупории ғолибони Олимпиада аз ҷониби раёсати Донишгоҳи байналмилалии сайёҳӣ ва соҳибкории Тоҷикистон баргузор гардид.
   Дар расми ифтитоҳи олимпиада роҳбарияти Донишгоҳи байналмилалии сайёҳӣ ва соҳибкории Тоҷикистон, намояндагони Мақомоти иҷроияи ҳокимияти давлатии ВМКБ, шаҳри Хоруғ, раёсати маорифи вилоят ва хонандагону омӯзгорони МТМУ-и шаҳру ноҳияҳои вилоят иштирок намуданд.
   Тибқи иттилои Комиссияи озмунӣ дар Олимпиадаи болозикр аз 8 шаҳру ноҳияҳои вилоят 122 нафар хонандагон аз рӯи 9 фан математика, физика, химия, биология, технологияҳои иттилоотӣ, география, забони русӣ, забони англисӣ ва ҳуқуқ бо ҳам сабқат намуданд. Ғолибон муайян ва барои ҷойи якум “Ҷоми раёсати Донишгоҳи байналмилалии сайёҳӣ ва соҳибкории Тоҷикистон”, дипломи дараҷаи 1, ҷойи дуюм дипломи дараҷаи 2 ва ҷойи сеюм дипломи дараҷаи 3 тақдим гардиданд. Ҳамзамон, ба ғолибони ҷойҳои 1, 2 ва 3 ҳавасмандиҳои молиявӣ расонида шуд.
    Барои 20 нафар иштирокчиёни фаъоли олимпиадаи мазкур “Ифтихорнома”-и раёсати Донишгоҳ тақдим гардид. Инчунин, барои саҳмгузорӣ дар ташкил ва баргузории Олимпиадаи минтақавии хонандагони синфҳои 9 ва 11-и шаҳру ноҳияҳои вилоят, Мақомоти иҷроияи ҳокимияти давлатии ВМКБ, раёсати Донишгоҳи давлатии Хоруғ ба номи М. Назаршоев, раёсати маориф ва Маркази рушди истеъдодҳои вилоят ва шӯъбаи маорифи шаҳри Хоруғ ва ноҳияҳои вилоят бо “Сипоснома”-и Донишгоҳ қадрдонӣ шуданд.
    Зимни баромади хеш муовини раиси Вилояти Мухтори Кӯҳистони Бадахшон муҳтарам Амирбекзода Ҳабибулло изҳори сипосу миннатдории Мақомоти иҷроияи ҳокимияти давлатии вилоятро ба раёсати Донишгоҳи байналмилалии сайёҳӣ ва соҳибкории Тоҷикистон барои амалисозии ташаббусу иқдомҳои созандаи Пешвои муаззами миллат махсусан дар самти иҷрои Нақшаи чорабиниҳои “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” ва “Соли маърифати ҳуқуқӣ” баён намуд.
   Муовини аввали ректори Донишгоҳи байналмилалии сайёҳӣ ва соҳибкории Тоҷикистон дотсент Раҳимов Мирзоҳид Абдувоҳидович ба роҳбарияти Вилояти Мухтори Кӯҳистони Бадахшон барои фароҳамсозии шароити мусоид баҳри баргузории Олимпиадаи болозикр сипосу миннатдории раёсати Донишгоҳро баён дошт. Қайд гардид, ки чунин намуди озмунҳо минбаъд низ аз ҷониби раёсати Донишгоҳи байналмилалии сайёҳӣ ва соҳибкории Тоҷикистон баргузор карда мешавад.
   Дар фарҷом чорабинӣ бахши фарҳанги Донишгоҳи давлатии Хоруғ ба номи М. Назаршоев табъи ҳозиринро болида гардонид.

Previous

Next

49 Comments:

Leave a Reply

Your email address will not be published. Required fields are marked *

Хабарҳо
ҲАМОҲАНГСОЗИИ ИҚДОМҲО БО БОНКИ ОСИЁИИ РУШД ДАР ДОИРАИ ФОРУМИ БАЙНАЛМИЛАЛИИ «ҲАМКОРӢ БА ХОТИРИ РУШДИ УСТУВОР: GREEN. DIGITAL. SMART»
9 Feb, 2026
ФОРУМИ БАЙНАЛМИЛАЛӢ «ҲАМКОРӢ БА ХОТИРИ РУШДИ УСТУВОР: САБЗ. РАҚАМӢ. ҲУШМАНД»
6 Feb, 2026
ТАШРИФИ САФИРИ БРИТАНИЯИ КАБИР ДАР ҶУМҲУРИИ ТОҶИКИСТОН БА ДОНИШГОҲ
3 Feb, 2026
НИШАСТИ МАТБУОТӢ: АЗ ДАСТГИРИИ ДАВЛАТӢ ТО ЭЪТИРОФИ БАЙНАЛМИЛАЛӢ
2 Feb, 2026
ҒОЛИБОН МУАЙЯН ВА ҚАДРДОНӢ ГАРДИДАНД
22 Dec, 2025
ОҒОЗИ ОЛИМПИАДАИ ХОНАНДАГОНИ СИНФҲОИ 11 БАРОИ ДАРЁФТИ «ҶОМИ РАЁСАТИ ДБССТ»
20 Dec, 2025
ТАШРИФИ ҲАЙАТИ ИТТИФОҚҲОИ КАСАБАИ МАОРИФИ МИСР ВА ҚУВАЙТ БА ДОНИШГОҲ
5 Dec, 2025
ERASMUS+ ҚАДАМИ УСТУВОР БА СӮИ АВРУПО БО ДОНИШГОҲИ ПЕШҚАДАМИ РУМИНИЯ
28 Nov, 2025
ИШТИРОКИ РОҲБАРИЯТИ ДОНИШГОҲ ДАР НАМОИШГОҲИ БАЙНАЛМИЛАЛИИ САЙЁҲИИ ҚАТАР (QTM - 2025)
24 Nov, 2025
Бештар