(ХИЗМАТҲОИ МАШВАРАТӢ – ИНТИХОБИ ШИРКАТҲО)
Ҷумҳурии Тоҷикистон
ЛОИҲАИ РУШДИ ТАЪЛИМИ БИЗНЕС ДАР СОҲАИ САЙЁҲӢ
Сектори маориф
Машваратчии назорати сохтмон Ҳолати маблағгузорӣ: Қарзи Бонки Исломии Рушд
Рақами маблағгузорӣ: TJK1048
Ҷумҳурии Тоҷикистон аз Бонки Исломии Рушд (БИР) маблағгузорӣ гирифтааст, то хароҷоти Лоиҳаи рушди таълими бизнес дар соҳаи сайёҳиро пӯшонад ва қисме аз ин маблағҳоро барои пардохти хизматҳои машваратӣ равона мекунад.
Хизматҳо аз назорати мустақилона дар ҷойи корҳои сохтмонии биноҳои нави таълимӣ ва хобгоҳ дар шаҳри Данғара иборат буда, мувофиқати онҳоро бо лоиҳаҳои муфассали тасдиқшуда, шартномаҳои сохтмонӣ ва стандартҳои дахлдор таъмин менамояд.
Тартиби муфассали кор (TOR) барои иҷрои вазифаҳоро аз суроғаи зерин ё тавассути пайвандҳои зерин гирифтан мумкин аст: https://iutet.tj/wp-content/uploads/2026/02/TJK-1048-TOR_Construction-Supervision-Consultant.pdf
Донишгоҳи байналмилалии туризм ва соҳибкории Тоҷикистон (Агентии иҷрокунанда / АИ) ҳоло ширкатҳои машваратии мувофиқро («Машваратчиён») даъват мекунад, ки ба пешниҳоди хизматҳои мазкур манфиатдорӣ нишон диҳанд. Машваратчиёни манфиатдор бояд маълумоти мушаххасро пешниҳод кунанд, ки пурра мувофиқати онҳоро барои иҷрои хизматҳо нишон медиҳад (брошюраҳо, тавсифи вазифаҳои монанд, таҷриба дар шароити монанд, мавҷудияти кормандони дорои малакаҳои мувофиқ ва ғайра).
Меъёрҳои пешинтихоб:
a) Зиёда аз 10 соли таҷриба дар сохтмон, тарҳрезӣ ва назорати лоиҳаҳои инфрасохторӣ.
b) Таҷрибаи кор дар минтақаи Осиёи Марказӣ афзал дониста мешавад. Ошноӣ бо контексти маҳаллӣ, қонунгузорӣ ва бозор бартарии муҳим аст.
c) Таҷрибаи исботшудаи кор дар лоиҳаҳои БИР ё лоиҳаҳои монанд, ки аз ҷониби бонкҳои рушди бисёрҷониба маблағгузорӣ мешаванд, афзал дониста мешавад.
d) Сабти корҳои бомуваффақият бо арзёбиҳои мусбат аз Агентиҳои иҷрокунанда, Шӯъбаҳои лоиҳавӣ ё ҳар гуна бонки рушди бисёрҷониба хеле қадр карда мешавад.
Мутахассисони калидӣ дар марҳилаи пешинтихоб арзёбӣ намешаванд.
Диққати машваратчиёни манфиатдор ба бандҳои 1.12.1 ва 1.12.2 қисми 1, боби 1-и Дарстурамалхо оид ба хариди хизматҳои машваратӣ дар доираи маблағгузории лоиҳавии БИР (апрел 2019, бо ислоҳот дар феврали 2023) («Дастурамалхои харид»), ки сиёсати БИР дар бораи низоъи манфиатҳоро муқаррар мекунад, ҷалб карда мешавад.
Машваратчиён метавонанд бо ширкатҳои дигар барои беҳтар кардани малакаҳо ҳамкорӣ кунанд, аммо бояд равшан нишон диҳанд, ки ҳамкорӣ шакли корхонаи муштарак ва/ё машваратчии зер аст. Дар ҳолати корхонаи муштарак ҳамаи шарикон барои тамоми шартнома масъулияти муштарак ва алоҳида доранд, агар интихоб шаванд.
Машваратчӣ тавассути пешинтихоби байналмилалӣ, маҳдуд ба кишварҳои узви БИР, бо истифода аз усули интихоб бар асоси сифат ва арзиш, ки дар Дастурамали харид зикр шудааст, интихоб карда мешавад.
Машваратчиёни манфиатдор метавонанд маълумоти иловагӣро аз суроғаи зерин дар соатҳои корӣ аз 08:00 то 17:00 вақти маҳаллӣ гиранд.
Ифодаи манфиатҳо бояд дар шакли хаттӣ ба суроғаи зерин (шахсан, тавассути курьер ё почтаи электронӣ) то 20 марти соли 2026, соати 17:00 вақти маҳаллӣ пешниҳод карда шавад.
Донишгоҳи байналмилалии туризм ва соҳибкории Тоҷикистон
Ба таваҷҷуҳи: Проф. Асрорзода Убайдулло Саттор
кӯчаи Борбад 48/5, Душанбе, Ҷумҳурии Тоҷикистон
Тел.: +992 37 234 88 02
Почтаи электронӣ: dsx_ips@mail.ru, бо нусха ба iutetiro.tj@gmail.com, idbroa@isdb.org Сомона: http://www.iutet.tj
